Gaizki
zabiltza usten baduzu pasahitz luzeak erabiliz ez duzula inongo
arriskurik zure mugikorrean. Segurtasuna, eten gabean "dantzan"
dabil sarean, horren adierazgarri dira, etengabeko segurtasun
partxeen ezarpenak. Cambridge-eko Unibertsitateak era esperimental
batean garatu du aplikazio bat, erakutsiaz nola jakin daiteken
edozein mugikorren PIN zenbakia. Horretarako, mugikorraren kamera eta
teklatua zapaltzerakoan sorrarazten duen hotsa erabiliz.
Egia
da, azkenaldiko generazioko mugikorra izateak, segurtasun ahuldadeak
gutxitzen dituela. Hala ere. tamalez jende gehiegi dabil munduan
zehar, zure/gure datuak lapurtzeko asmoz beterik. Horretan aritzeko
nahitaezkoak dituzte pasahitzak lortzea. Pasahitzen jabe eginik gure
identitatea digitalaren jabe egiten dira. Horrela pasahitzaren jabe
direnaren itxuran, sarrerak irekiak geratzen zaizkie gure kontu
askotara, banketxe, denda digital, etab... irudika ditzakezuen
emaitzekin. Karakter asko dituzten pasahitzak segurtasuna handitzen
dute. Tamalez hala ere ez da irtenbide ziur-ziurra. Gaur dakarkigun
ikerketak erakutsiko digun bezala.
“PIN
Skimmer” izeneko aplikazio prototipo bat garatu dute, Android
sistemakoa non asma ditzake PIN zenbakia oso denbora laburrean.
Aplikazioak bigarren plano batean egiten du lan, aurreko kameraren
eta mikrofonoaren kontrolak bereganatzen du. Era honetan, sarean gako
bat sartzea tokatzen zaigunean, teklatuak egiten duen hotsa jasotzen
du. Teklen hotsak identifikatuz batetik eta bestetik kamerarekin
ikusten gaitu zein aldetara begiratzen ari garen, logikoki sakatzen
ari garen tekla aldera. Esperimentua Samsung Nexus S, eta Samsung
Galaxy S III ekin burutu zen. Emaitza benetan kezkagarria izanik.
Lau
zenbakiko PINa, %30an lapurtu izan da bi saiakerekin, eta %50an 5
saiakerekin. Pasahitza 8 karakteretara handituz, %45etan irekia izan
da 5 saiakerekin eta %60an hamar saiakeran. Pasahitza asmatzea
asko zailtzen da hizkiak edo beste sinboloak erabiliz. Ikerketaren
emaitza benetan kezkagarria da, gainera, ikerlariek ez dute asmatzen
nola ekidin sistema hau. Momentuzko, irtenbide bezala kamera eta
ahotz-gailua blokeatzea da, mugikorrak gakoren bat eskatzen digun
unean.
Zer
iruditzen zaizu hau guztia? Ez al zaizu harrigarria egiten ikerlariek
horrelakoak egiten aritzea? Edo, eskertzekoa iruditzen zaizu,
horrela, arazoei aurre hartzen zaielako?
(2013-11-10): http://xombit.com/2013/11/averiguar-pin-camara-microfono
iruzkinik ez:
Argitaratu iruzkina